السبت، 18 أبريل 2009

وهكذا الحياه...


ساعات كتير لما بنفتقد شخص معين فى حياتنا بنتمنى اننا نرجع معاه تانى ,نرجع نتكلم معاه نسمع صوته نسمع ضحكته حتى سكوته
وحتى لو كان الشخص دا مليان عيوب وحتى ممكن منشوفش ميزاته دى خالص بس مهما كان ومهما حصل بنتمنى نرجع تانى معاه حتى لو كان فى ضرر لينا منه بس العشره فعلا مهما كانت حلوه او وحشه بتاثر فينا من جوانا ,حتى فى صوتنا وقلوبنا ونظره عيونا بتبقى شايله سؤال عن الشخص دا ولما بنشوف حد يعرفه بيبقى نفسنا نجرى عليه نساله عنه ونعرف اخباره ونطمن عليه دايما بيبقى فى حنين للماضى من جوانا مهما كان مر بينا بس برضوا دا جزء منا حياتنا كلها اتاثرت بكل موقف وكل لحظه مرت علينا فى الماضى من عمرنا ...

الله سبحانه وتعالى خلقنا بنعم كتير اوى ودا من فضله علينا ومن النعم دى ومحدش يقدرميفكرش فيها نعمه نسيان الالم وتذكر السعاده انا بحب اسميها كدا لان المفروض دا اللى يحصل اننا ننسى المواقف والوحشه ونفتكر دايما الموقف الكويسه فى حياتنا ...

طيب ازاى دا بيحصل انت ممكن فى عقلك وتفكيرك تربط اشياء معينه بذكريت ومواقف معينه ,يعنى مثلا مممكن تشم رائحه برفان معين ومجرد انك تحس بريحته تفتكر شخص معين كان دايما بيحط البرفان دا وتفتكر بشكل تلقائى موقف معين حصل مع الشخص دا وممكن تضحك ويمكن الناس تقول عليك مجنون بس دا اللى بيحصل وممكن لما تسمع شعر او كلمات اغنيه معينه تفكرك بموقف تانى وشخص تانى ...

طيب هل النسيان فعلا حل لكل المشاكل اننا ننسى كل حاجة وحشه وكل موقف احنا شايفين انه وحش دا هو الحل ,انا بحس انه هروب طيب ليه مفكرش فى الحاجة دى واشوف ايه اللى كان وحش فيها واحاول اغيره واحاول معملوش تانى اما لو هربت بالنسيان هرجع تانى واغلط تانى نفس الموقف وارجع تانى ازعل واضايق يبقى موصلتش لحل بالعكس دا انا تعبت اكتر واكتر ...

الموضوع مش موضوع ان الواحد غاوى نكد ولا الكلام دا اللى ممكن تكون جه فى تفكيركم دلوقتى بس مش عيب ان كل موقف يمر عليك تحاول تستفاد منه حتى لو كان الموقف دا سلبى بس برضوا تستفاد انك مش تعمله تانى ومش عيب انك تحكى لحد لى سبيل الفضفضه والمشاركه فى الحياه اه هى الناس مش ناقصه وفيها اللى مكفيها بس الاحساس بالمشاركه فى الحياه بيهون حاجات كتير اوى ...

خلص الكلام دلوقتى

السبت، 11 أبريل 2009

الاحساس بالاخرين

اصل انت دماغك موسوسه
اصل انتى مش بتعرفى تفكرى فى حاجة تبسط
اصل انتى مغمقاها وشايفه كل حاجة سوده ...
انا سمعت الكلام دا ولما بدات افكر فيه واتناقش فيه مع نفسى ومع صاحب الكلام دا معايا لقيته رافض اى نقاش هى كدا عجبك ولا لا
طيب انت غلط وشايف كل حاجة غلط , ازاى بنحكم على الناس من غير ما نفكر معاهم ونشوف تفكرهم بيوصل لفين فى الاخر هل فعلا الشخص دا بلاك اوى كل حاجة عنده ولا ظروفه ولا الدنيا هى اللى كدا
ليه دايما بنحاول نشوف عيوب الناس ومش بنحاول نتناقش معاهم فيها ونغيرها فيهم نسمعهم نناقشهم نكون مكانهم ولو لدقيقه من عمرنا
اومال ايه لازمه الصحاب والصداقه بدام كل واحد مش شايف غير نفسه حتى نفسه مش شيفها كويس ومحتاج نظاره علشان يشوفها ويشوف حياته اللى عيشها ؟؟
دا ربنا لما خلق الارض خلقها فى 7 ايام رغم قدرته على ابداعها فى لمح البصر او اقل بس بيعلمنا ازاى نرتب افكارنا واننا نصبر ونفكر وندبر حياتنا على اسس وعلى افكار كويسه واننا نبنى من جوانا مش نهدم نفسنا وغيرنا للاسف انت ممكن تقعد مع حد يعقدك من جواك بكلامه وممكن تقعد مع حد يخليك تشوف الحياه بمبى والحياه مفيش احسن منها دا شيفها كدا ودا شيفها كدا مش عيب فى الاول ولا مدح فى التانى دى بتبقى حاجة اسمها ظروف نشئه ودنيا كل واحد عايش فيها بحياته ودنتيته
هتقولى بلاش سواد بقى وخليها تبيض شويه ماشى هنبيضها وهنضحك على نفسنا ونشوفها بيضه بس هى سوده يبقى بدل ما اكدب على نفسى واتخيلها كدا مع احاول اغير فيها اتناقش واخرج الكلام اللى جوايا واحاول واغلط وارجع تانى احاول مش من اول دقيقه انتى فاشله ومش هتعرفى تعملى حاجة وللاسف اللى بيخاف من حاجة مش بيعرف يعملها ولا يعمل غيرها ...
يمكن يكون كلامى مش مترتب بس دا اللى عايزه اقوله وعايزه اقول اننا المفروض لما نشوف حد تعبان ومضايق وعايز حد يقويه فى دنيته ليه منبقاش احنا دا ونكون جنبه فى كل لحظه اه مش هنقطع نفسنا كل واحد فيه اللى مكفيه بس مسيرك هتبقى مكانه وهتجرب احساسه ..
ياريت نجرب نحس بنفسنا اووووووووووى ونحس بغيرنا اكتر قبل ما الاحساس كمان يغلى ومش نلاقيه ....

خلص الكلام

كل حاجة فيا انت مش راضى عنها

كل حاجة فـــــــــــــــــــــــــــيا مالت

ببقى خايفه من اى كلمه انا هقولهــا

حتى ثقتى فى نفسى قلـــــــــــــــــت
.......................................

وعليك بايه من كل دا عن حبى تــــــــــوب

دا مفيش حبيب بتشوف عنيه غير العيوب

روح لحالك وسبنى ليـــــــــــــــــــــــــــــا
........................................

كنت فاكره ان انت حبتنى كلى

زى ما انا كدا اةةةةةةة بحبك
............................................

والحقيقه ان انت عايز تخلى كل حاجة فيا زيك

وعليك بايه من كل دا عن حبى توبـــــــــــــــــ

دا مفيش حبيب بتشوف عنيه غير العيوبـــــــــ

روووووووووووووووووح لحالـكـــــــــــــــــ

وسبنى ليــــــــــــــــــــــــــــــــــــــــــــــــــــــا





 
شخابيـــــــــــــــــــط زيتونة © 2008. Template Design By: SkinCorner