kol sana w enta tayb ya blogy
w kol sana w enta mnwr 7yaty
w t3bak m3aya

فعلا

انا بعيش ما بين الوقع المؤلم

والخيال الممتع

ما بين ضعفى فى دنيتى

وما بين ارادتى فى خيالى

ما بين احلام كلها مش بتتحق

وما بين واقع بيضيع كل حلم بنحلمه

ما بين خيال بيسرح بيا لبعيد

وما بين واقع بيصدمنى فى اول خطواتى

استسلم للواقع وانسى الخيال

ولا افضل عايشه فى الخيال لحد ما يصدمنى الواقع

حبى إليكِ ليس بيدى
ولكن
إليكِ صار قلبى بيدى
فسامحينى إن صار عشقى إليكِ

قبلك ضاع عمرى
ومعكِ سيضىء قلبى
وبعدكِ سأغلق قلبى
فلا تتركينى ولا تذهبى
فإليكِ مال قلبى
وقد أصبحتى أنتى عشقى
فلا تتركينى
ولا تذهبى
دعى عيناكى امامى
دعينى انصت الى نبره صوتك معى
لا تذهبى
لاتتركينى
لا تذهبى

*******

*******

مش عارفه ليه كتبت الكلام دا

بس حسيت انى عايزه اكتبه واكلمه للاخر

فعلا مش عارفه

:)

29/11/2009

بسم الله الرحمن الرحيم

ولا عُمر
......

....
ولاعمر الحب يوم دق بابى
ولا عمرقلبى يوم سألنى عن أحبابى
بس لما شوفتك فتحت قلبى
وجريت فتحتلك بابى
.

.

.

حسيت بدقه قلبى ليك
وسألنى قلبى كتير عليك
خوفت أقولك
خوفت تحسها قبل ما أسمعها منك
وداريت أشوقى ليك
وخصمت قلبى لسؤاله عنك
لكن
حبك جوا قلبى كان أقوى منى
ولسانى بالسؤال عنك كان سبقنى
وكان أحلى يوم فى عمرى
لما سمعت قلبك بينادى قلبى
.

.

.
وسمعت أحلى كلمه ليك تربطنى بيك
سمعت كلمه ****بحبـــــــــــــــك
فجريت صلحت قلبى بحُبك
ووعدته مخصموش
طول ما قلبى جنب قلبك
.

.

.

.


كلمه بحبك لما بسمعها منك
بغمض عيونى وبدعى ربى
بدعى ربى ما يحرمنى منك
ربى ما يحرمنى من صورتك قدام عيونى
ربى ما يحرمنى من نبره صوتك
ربى ما يحرمنى من طيبه قلبك
ربى ما يحرمنى منك
.

.

نسيت اعترفلك
انى
والله
بحبك

.

.

.

الكلام دا هديه منى

ليكى يا

m&B

ربنايهديكم لبعض

ويتمم الموضوع على خير يارب

تحياتى ليكم

ليس عشقا

ليس عشقاً للمـــــــــــــاتِ
ولكن
ضعفاً على استكمال الحياةِ


ليس عشقاً للعيش إنفراداً بالذاتِ
ولكن حزناً
حزناً على ثقتاً
باتت تخيب فيها الامالِ


ليس عشقاً للحزنِ
ولكن جرحاً
صار يحرق فى قلبى
وتوارت به ابتساماتى ِ

مُحِيت معالم قلبى
وتلاشت ذكرياتى وعشقى لأحبائى
لقد عشقت قبلاً حياتى
ولكنى الآن أعشق مماتى
فلقد مات قلبى وتناثرت أشلائى

ليس عشقاً للدموعِ
ولكنها جليستى فى حزنى ومسراتى
تظل معى حتى أخلد فى سباتى
وتؤنسنى وأنا أحكى حكاياتى


ليس جراح حبِ
فكل جراح الحبِ
لا تساوى جرحاً من جراحاتى
ولكنها جراح ِ تؤلمنى
وتحرق قلبى وتنسينى حياتى

أشعر بنزيف قلبى
وقلبى مبعثراً مابين أشلائى
أشعر ببركان غضبِ
يداوى بصوته فى فؤادى


فيا آلهى
قد بات قلبى يحترق
ولا أجد ما يطفأ نارى
قد بات قلبى يؤلمنى
ولا أجد دوائى

فيا آله الكون
قد ضاق الكون بى
وأنا لا اريد إلا عفوك انت ورضاك
ففرج لى كربى وأحيى قلبى بعد المماتِ
فبقدرتك يعود قلبى للحياةِ
فمن غيرك يا آلهى قادراً على أحيائى

!!

.

10/11/2009

http://www.youtube.com/watch?v=5EDdIQLgRS8&feature=related

لقد أصبحت ماضى

امتلأت بالغبار خباياه

لقد اصبحت لا شىء فى دنياه

لقد نسينى او تناسانى ومحانى من ذكراه

لقد احببته مثل طفلى الذى بعد لم آراه

لقد كان قلبى الذى احيا على سكناه

ومازال قلبى لا ينبض الا بهواه

أأضحك ام ابكى يا ذكراه

لقد نسى قلبى وتنساكى معاه

<<<<<<>>>>>>>

دى حاجة اكتبتها من فتره كدا

وانا مستخبيه

:)

16/10/2009

عدنااااااااااااااااا

والعود الحمد لله ماشى الحال

:D

اخباركم وحشتونى والله اوى

انا كنت مستخبيه شويه كدا

والحمد لله قررنا نرجع تانى

اسباب الاختفاء

مفيش

عادى

هى جت فى دماغى وعملتها

يمكن هو فى سبب واحد بس



بس الحمد لله اكتشفت انى

انا كنت مكبراها جوايا شويتين

بس الحمد لله





عارفه اخباركم ومتباعكم كويس طبعا

مواضيعكم كانت جميله وكنت برد عليكم

يلا اى خدمه







يمكن بكتب البوست دا علشان اغير

من مودى شويه

لان بصراحه حصلت شويه ظروف مش تمام

بس الحمد لله على كل حال

وكله مقدر ومكتوب

ولانى انا مش حابه اطول فى المود

دا لانه تعبنى اوى قولت ادخل وارخم

تانى عليكم بقى :p







وانا مبسوطه بوجودى وسطكم

حتى لو مش هكتب حاجة

مش مهم

بس كفايه اكون هنا

باسمى

اولفى ترى











كلمه اخيره

هى كلمه واحد لاكتر من شخصيه



الشخص الاول هقوله منك لله

الشخص التانى هقوله مش ندمانه انى بعدت

الشخص الثالث هقوله آسفه انى اتكلمت وحكيت

وعذرا أنى اسفه على الازعاج

الشخص الرابع هقوله ربنا يهديك يارب وترجع لنفسك تانى

الشخص الخامس هقوله حافظ على النعمه

اللى معاك ومطفرتش فيها واستخدم ذكائك

وحافظ عليها كويس

الشخص الخامس هقوله انا اسفه بس انت اللى بضطرنى لكد

معاك لانك مش بتفهمنى لما بتكلم ولا بتقدر كلامى معاك

الشخص السادس والسابع اقولهم عيب عليكوا 8 سنين معرفه

الشخص الثامن كان نفسى نفضل صحاب على طوووووووول

الشخص التاسع كان وحشنى كلامك فعلا والحمد لله جربته النهارده



بس كفايه كدا





تحياتى واشواقى

الى مدونتى والتدوين

الورده دى لاول تعليق

BACK

WITH

BAD

FEELINGS

&

I

HOPE

NO

ONE

SPEAK

TO

ME

IN

ANY

THING

JUST

WATCH

ME

وصلنا

للمئويه

من زمان

بس

محدش

كان

بياخد باله

:)

الايام بتجرى بسرعه اوى
النهارده 25/10/2009
اول امبارح كان فرح عمرو
بجد كانت ايام حلوه
رغم انى تعبت اوى
وصوتى رايح خالص
وجالى دور برد محترم
لحد دلوثتى مش راضى يسيبنى
الا انى مبسوطه وفرحانه ليهم

ربنا يبارك ليهم ويفرحهم دايما يارب



اما عن اخبارى انا
فمفيش اى جديد خالص
بس حاسه انى مش مركزه للدراسه خالص
ومش عارفه اعمل ايه
عدى شهر دلوقتى وانا مشترتش
اى كتاب ولا عملت اى حاجة

ربنا يستر يارب
وتعدى اخر سنه دى
على خير يارب


بس مفيش جديد خالص
الحمد لله

I

NEED

MY

SELF

,

ONLY

MY

SELF

غلامى
......

ألست منى يا غلامى ؟؟
.

ألست أنا أمك يا فؤادى؟؟
.

فلما تعاملنى بكل تلك القسوه؟؟
.

أتـذكر ضعفك فى صباك؟؟
.

أتذكر قوتى فى احتواك؟؟
.

ولكن الآن تنسانى ولاتذكر إحسانى

---

فدعنى أسألك سؤالى
.

أتنسى قبلاتى وأحضانى ؟؟
.

ألاتشتاق لدعوه من لسانى؟؟
.

ألست منى يا غلامى؟؟

.

فلما تعاملنى بكل تلك القسوة والحرمان ؟

--

إذا دعك منى وأنسى كلامى
ولكن

.
ولكن لا تنسى ذكر الرحمن
.

أمرك ربى بحبى ومرعاتى
.

وبين جفونك تحفظنى ولا تنسانى
--
ألست منى يا غلامى؟؟
.

ألا تشتاق لدعوه من لسانى؟

.......

//////////////

...
3/10/2009

بسم الله الرحمن الرحيم

كلمه

جوايا كلمه ليــــــــــــــــك
هموت وأقولها ليـــــــــــك
خايفه اقولك بحبـــــــــــــك
خايفه منــــــــــــــــــــــــك
خايفه ليموت قلبى بجرحك

.

.

جوايا كلمه ليـــــــك
هموت واقولها ليــك
طيب هقولــــــــــــك
لو حزنى حزنــــــك
لو جرحى جرحــــك
لو فرحى فرحــــــك
قولى بحبــــــــــــــك
هموت واسمعها منك

.

.

جوايا كلمه ليــــــــــــــــــــــك
هموت واقولها ليـــــــــــــــــك
طيب سيبنى اقولــــــــــــــــــك
أنى بحبـــــــــــــــــــــــــــــــك
بس اوعى جرحى يبقى منـــك
بس اوعى حزنى يكون بسببك
جوايا كلمه ليـــــك
هموت واقولها ليك

<<<<<<<<<

>>>>>>>>>

.

3/10/2009

.

معلش كلمه بسيطه منى انا مش منها هى :)

يا جماعه المواضيع دى اكيد مش شخصيه نهائى

انا لو الموضوع خاص بيا انا وبس

مش بكتبه هنا خالص

ممكن اعمله مسوده بس مش بيتنشر كبوست

نهائى

.

.

دمتم فى حفظ الله

اللـــــــــــــــــــــــــــــــــــــــه
انا بموت فى الفيلم دا

شلبى

مارد وشوشنى

او كورتى البعبع

روز

وبوووووووووووووووووووووه

:)

اه زى العيال الصغيره لما بتفرج عليه

بنسى كل حاجة واركز معاه وبس

:)

عجبنى اوى الجو الرومانسى اللى فيه والحنيه ما بين

شلبى و بووووووووووووه

لا ولما تسمعه وهو بيقول بووووووه

وهى بتقوله عروستى

وخاصا بقى النسخه المدبلجه عربى

بصوت محمد هنيدى والابطال اللى معاه

مش فكراهم الصراحه

بووووووووووووووووووه

شلبى

مع مارد وشوشنى

شويه كلام

كلاكيت 3 مره

السلام عليكم ورحمه الله وبركاته

المره دى ولا كلام ولا فضفضه

مجرد حاجة ملحظاها وبضيقنى جدا بصراحه

انا بقالى كتير بدخل نت 3 سنين او يمكن اكتر كمان

زمان كنت بلاقى الناس كويسه جدا فى المعامله

وما زالو يعنى بس مش اوى

ممكن تلاقى حد بيبدا كلامه معاك

بالسلام

اه السلام

اللى المفروض يكون

السلام عليكم ورحمه الله وبركاته

مش مهم هتقول ايه بعد كدا

بس على الاقل بدايه الكلام تكون كدا

على الاقل الواحد بيحس بطموئنينه بعد الكلمه دى اوى

دلوقتى ايه بقى يا ياما كلام خبط لزق كدا ولا حتى ازيكم

ايش حال المعرفه اللى ما بينا وبينكم

لا اخبط ولا يهمك

او بقى كلمه هاى

هاى عليكم ورحمه الله وبركاته يا مستر

ياعم ويا ستى احنا مسلمين

ابداها صح هتلاقيها تنتهى صح

دلوقتى لو بدات كلامك مع حد على النت او الميل بالسلام يستغرب اوى

بجد الناس بقت تقول ايه الكلمه الغريبه دى على النت

فى هاى,باى,هاو ار يو كدا يعنى

بصراحه بضايق اوى

بس بسكت ومش برضى اتكلم واقول حاجة

هتقولوا ليا انتى منافقه ؟

طيب ليه ياجماعه ؟

علشان انتى ما بتقولى اوك وساعات

بتقعدى كدا تلطمى بالانجليزى

هقول حاجة

كلنا هنا فى كليات بتدرس انجلش

وبالتدريج غصب عنك فى كلام

بيندرج فى عقلك

بالانجليزى وتتعود على كدا

بحكم الدراسه

مش بشوف نفسى على الناس يعنى ولا بعيش عليهم يعنى

بعيدا عن دا كله

السلام دا حاجة والكلام حاجة تانيه دا اكيد

ياريت

معلش اتعبو نفسكوا وابدأوها صح

رد على موبيلك بالسلام

ابدا كلامك مع اى حد بالسلام

ادخل بيوت الناس بالسلام

ودع الناس وانت خارج من عندهم بالسلام

ادخل بيتكم بالسلام

انهى كلامك بالسلام

قال الله عز وجل

: ((وَإِذَا حُيِّيتُمْ بِتَحِيَّةٍ فَحَيُّوا بِأَحْسَنَ مِنْهَا أَوْ رُدُّوهَا إِنَّ اللَّهَ كَانَ عَلَى كُلِّ شَيْءٍ حَسِيبًا)).

صدق الله العظيم

سُئل الرسول "صلي الله عليه وسلم" أي الإسلام خير؟

قال : (تطعم الطعام, وتقرأ السلام علي من عرفت ومن لم تعرف)

رواه البخاري ومسلم

دخل رجل علي الرسول "صلي الله عليه وسلم"

فقال: السلام عليكم, فرد عليه ثم جلس

فقال "صلي الله عليه وسلم" : عشر

,.ثم جاء أخر فقال السلام عليكم ورحمة الله,

فرد عليه ثم جلس فقال "صلي الله عليه وسلم" :عشرون

,ثم جاء أخر فقال :السلام عليكم ورحمة الله وبركاته,

فرد عليه ثم جلس فقال "صلي الله عليه وسلم" :ثلاثون

(رواه أبو داود وحسنه الترمذي).

يعنى اكسب حسنات واكسب الناس معاك

مش عيب يعنى

لو يعنى صحبك دا معاك طول اليوم

وايه يعنى برضوا

ابداها معاه على الميل كمان بالسلام

دا انت كدا كسبان وانتى كمان كسبانه

يقول الرسول صلى الله عليه وسلم

" الا أدلكم على شئ اذا فعلتموه تحاببتم..افشوا السلام بينكم"

صدق رسول الله صلى الله عليه وسلم

دمتم

فى سلام ومحبه واحترام

ان شاء الله

السلام عليكم ورحمه ربى وبركاته

:)

آسف على الازعاج

من اكتر الافلام اللى بحبها جدا

بحب اتفرج عليه لوحدى ومش معايا حد

باخد مود غريب وانا بتفرج عليه

لما بحس انى مضيقه

ومش قادره اتكلم مع حد

ومش لاقيه حد اتكلم معاه

افتحه واتفرج عليه

زى ما انا بعمل دلوقتى

:(

بلاقى نفسى فيه اوى الفيلم دا

وبلاقى نفسى لما اشوفه

قريب جدا هنزل موضوع باسم

آسفه على الازعاج

الموضوع فى دماغى جامدا

وحاسه انه هينزل قريب الموضوع دا

ربنا يقدم اللى فيه الخير

بس غالبا دا اللى هيحصل

وهنزل

آسفه على الازعاج

لأنى فعلا

آسفه على الازعاج
:(

أتسألنى من أنا ؟
ألا تذكر من أنا ؟؟
أتنسى نفسك ؟؟
كيف تنسانى وأنا منك ؟
كيف تتجاهلنى وانا أنت ؟
أمات عشقنا بيدك ؟
فهل نسيت أم تناسيت؟
فأنا مازالت أحبك أنت

<<<<< >>>>>

أتسألنى من أنا ؟
أتنسانى وأنا منك ؟
أمات عشقنا بيديك ؟
وهل نسيت أم تناسيت ؟
.

فأنا أحبك منذ أن حابيت

تعلمت أن احبو و يدى فى يديك
فأنا كنت طفلتك التى لا تحبو إلا إليك

.

كلما ضحكت او بكيت تذكرتك انت
أنت من علمنى كيف تكون ضحكاتى وابتساماتى
وانت من علمنى كيف أتناسا دمعاتى
أمات عشقنا بيدك أم نسيت و تناسيت؟؟

<<<< >>>>

قلبى لا ينبض إلا بعشقك انت
ومازالت لا أذكر الا انت
وكيف أنساك وانا منك ؟

وانا لا اطمع إلا فيك أنت

.
فعذرا دعنى اكرر سؤالى إليك

أمات عشقى بيدك أم نسيت و تناسيت؟؟
أم مازالت تتسأل من أنا بالنسبه إليك؟؟
عــــــــــــــذرا
أمات عشقى بيديك؟؟؟
29/9/2009

<<<<<<<<<< >>>>>>>>>>
:(

yarb

yarb

yarb

دى اخر حاجة كتبتها فى الاجازه

وعلشان احس ان الاجازه كلها

عدتت بحلوها ومرها

وبسعادتى فيها وشقايا

<<<<<<<<<<<

>>>>>>>>>>>

هنزل البوست دا

ونبدا عام دراسى جديد

بتمنى يكون احلى لانى

بتمنى يكون ختامها فعلا

يكون مسك

حتى لو هنتعب شويتين

بس محسش بقساوه السنه

ومن غير مشاكل

يــــــــــــــــــــــــــــــــارب

<<<<<<<<<<<<< >>>>>>>>>>>>>>
سعيده باجازتى وانا فى وسطكم

ومع تعليقاتكم وكتباتكم

وبدعى ربى دايما

ليكم باحلى وادوم سعاده

وان شاء ربى

انى الاقى كل حد هنا عرفته

اكيد هشوفه وربنا عالم

كل احترامى وحبى ليكم

كلكم وربنا اعلم باللى جوايا ليكم

لانى فعلا بحبكم عن ظهر قلب

من غير حتى ما اشوف معظمكم

.

.

دمتم فى هنا وسعاده دائمه ان شاء الله

بسم الله الرحمن الرحيم

والله اجوعكم شويه
طريقه عمل المكرونه بالبشاميل
كتير بيحبها وانا كمان بحبها
هقولكم طريقتها يمكن حد يحب

يعملها فى يوم من الايام
اولا المقادير:
1 كيلو مكرونه اقلام
1/2 كيلو لحم مفروم
2 بصله متوسطه الحجم
3/4 كيلو لبن
معلقتين دقيق
عدد 3 بيض
وشويه البهارات بقى
عدد 4 حبات طماطم متوسطه الحجم
<<<<<<<<<<<<
>>>>>>>>>>>>

طريقه العمل :
اولا : اللحمه
هتحطى يا ستى اللحمه فى حله كدا على النار

وتسبيها مع نفسها كدا ربع ساعه
وبعدين تضفى ليها البصل المفروم

وتبليها (يعنى تحطى البهارات + الملح ) وبردوا تسبيها

على النار المتوسطه وبعد كدا لما تحسى ان خلاص اللحمه

اتشربت الميه هى و البصل ووصلت للنضج الكويس ليهم
ولى واعرف ازاى ياستى اتعبى كدا ودوقيها
وبعد كدا فى ناس بتحب تعملها بطماطم وفى ناس بتحبها

تكون من غير طماطم بس بالطماطم احلى
يبقى حطى الطماطم بعد ما تضربيها ضربا شديدا قطعيها من الضرب

وتحطيها عليها وبردوا تسيبها لحد ما اللحمه تتعصج

( ودى بقى هى اللحمه المتعصجه)

<<<<<<<<< >>>>>>>>>


ثانيا : البشاميل:
اولا حطى يا سيدتى 2 ملعقه كبيره سمن على النار وسبيها

لحد ما تسخن كويس اوى لازم تسخن كويس
وبعد كدا ضيفى الدقيق وانتى بتضيفى الدقيق ايدك شغاله بالتقليب

علشان الدقيق مش يكلكع ( يعنى ببساطه مش يعمل كور

حنا مش فى ملعب هنا) ولحد ما تحسى ان الدقيق وصل للون

الدهبى كدا مش اتحرق ارفعيه من على النار وابدئى ضيفى
لبن برضوا بالتقليب يعنى تضيفى شويه لبن وتقلبى معاه لحد

ما توصل للقوام المتماسك ليها مش تبقى خفيفه ولا تقيله

لو حسيتى انها خفيفه ارفعيها على النار مع التقليب علشان

مش تلزق فى الحله ويتحرق البشاميل وبعد كدا ممكن تضفى

عدد 2 بيضه للبشاميل ومش اكتر من كدا لان البيض لو كتر

بينشف البشاميل اوى ...

<<<<<<<<<<<<

>>>>>>>>>>>>
ثالثا : المكرونه :
حطى 3 لتر ميه على النار لحد ما تغلى ولما تغلى حطى معلقتين

زيت ليه بقى ( علشان المكرونه حبتها مش تلزق مع بعضها

يبقى كل حبه مكرونه منفرده مع نفسها كدا :) )

+الملح طبعا مع التقليب المستمر ليها كل شويه

لحد ما توصل للدرجه المطلوبه من التسويه

<<<<<<<<<<<<<

>>>>>>>>>>>>>
رابعا :
جهزى صنيه حجمها يناسب حجم المكونات اللى عملتيها و

ضعى طبقه بسيطه من السمنه وعليها رشه دقيق بسيطه اوى
وبعد كدا ضعى كميه من البشاميل على المكرونه وقلبيها كويس

وبعد كدا حطى نصف المكرونه فى الصنينه ووزيعها كويس جدا

بحيث انها تغطى الجزء الاسفل من الصينيه
وبعد كدا حطى اللحمه برضوا وزعيها كويس على طبقه المكرونه
وبعد كدا حطى باقى المكرونه على السطح ووزعيها كويس جدا بحيث ان
لما تضعى البشاميل مش يجرى وينزل لتحت خليكى ناصحه كدا :(

وبعد كدا طبعا زى ما قولت حطى البشاميل ووزعيه كويس انه يغطى

طبقه المكرونه وبعد كدا وبعد كدا حطى الصينيه فى نار متوسطه

لمده من 30 الى 45 دقيقه
فى بيضه ناقصه انا فاكرها كويس مش تضحكى عليا
البيضه دى هتحطيها على وش البشاميل بس

بعد 20 دقيقه من وضعها فى الفرن
:(

بس خلاص انا تعبت وجعت كمان

تحياتى

دا الدقيق على النار

بعد كدا ضيفى اللبن

بعد كدا الملح + البهارات مع التقليب

لازم القوام يكون كدا بالظبط

خلاص جهزنا اللحمه والمكرونه اتسلقت والبشاميل اتعمل

مجهز الصينيه بقى

دا طبقه المكرونه الاخيره

ودى شكلها قبل اضافه البشاميل

ودا اضافه البشاميل

ودا البشاميل لازم يكون مغطى كل الصينيه

ودى شكله بعد ما خرجت من الفرن

وبالهنا والشفا يارب

فى ناس بتحب تحط جبنه شيدر

قبل البشاميل

وفى ناس بتحبها كدا

وفى ناس بتحب تقلى البصل قبل ما تضيف اللحمه

بس انا شايفه كدا اخف شويه

طبعا فى طرق كتير

كل واحد ومزاجه بقى

ونفسه فى الطبيخ

تحياتى

.

أحقا أهواك؟
وكيف لا أهواك؟
أأستطيع أن أنساك؟
ولكن كيف أنساك ؟؟؟
...

...
أحقا تهوانى ؟؟
فعلمنى كيف تكون حياتى
فابتساماتى لاتدوم الا وعيناك أمامى

......
.......
أحقا تهوانى ؟؟؟
فكن أمامى
أبد الدهر كن أمامى
حتى تعلو ضحكاتى
وتنسانى دنيا آلاهاتى
....
....
أحقا تهوانى ؟؟؟
فأنسى الدنيا
ولكن
لا تنسانى
...

...

أحقا تهوانى؟؟؟
إذا
دعنى أبحث عنك بأشواقى
وإن عالت ضحكاتى
فاعلم
انك كنت الماضى والآتى

>>>>>>>>>>>>>>>>>

<<<<<<<<<<<<<<<<<

>>>>>>>>>>>>>>>>>>

30/9/2009

برضوا شويه كلام زى بتوع امبارح

هههههههههههههههه

بس اظاهر ان كلام امبارح كان ليه :)

مفعول السحر اخيرا بقيت ساحره وبعرف اسحر

واااااااااااااااااااو

يلا محدش قدى

اصل مفعول السحر دا انصب عليا انا بس

محدش فاهم حاجة ما علينـــــــــــــــــــــا

ههههههههههههههههههههههههههههههههههههه

.

.

.

.

.

يعنى ايه الاحساس بالاخرين؟؟؟

اممممممممممممممممممممم

يعنى الاحساس بالاخرين

:)

هاهاهاهاهاهاهاها

حلوه والله

خلينا فى المهم

معنى الكلمتين دول ايه بقى

يعنى ازاى تقدر تحس باوجاع اللى بتحبهم

او الناس اللى بيمر عليك اليوم وبتشوفهم فيه

يعنى فى ناس تعباها او انبسطها بيبان على وجهها

يعنى تلاقى حد عامل 111 دا يبقى مش طايق نفسه

طيب حد زى دا بالله عليك هتروح تقوله هو اخبار برنامج

ستار ميكر ايه امبارح ومين كسب (انا معرفش البرنامج

دا موجود ولا لا لا بصراحه حاليا بس اهو اى مثال

يعنى المفروض لو حبيبك اوى هتقوله مالك

اعم فيك ايه وعامل كدا ليه ؟؟؟

.

.

عارف هيرد عليك فى حاله واحده بس لو حاسس

وعارف انك هتحس بيه هتحسسه بالاهتمام اللى هو

بيدور عليه منك مش تقوله يا عم كبر دماغك ونفض

ياعم طيب انت عملت ليه ايه بقى ان شاء الله

للاسف حسسته بتفاهته

اه فعلا انت عملت كدا

وامتى مش هيرد بقى

لما يكون الموقف دا اتكرر قبل كدا ما بينك وبينه

او بينك وبين حد تانى وهو لاحظ عليك ان انت

مش بتهتم انك تسمع حد او تتناقش معاهم

هيرد عليك رد بسيط لا مفيش حاجة اصل انا

مرهق شويه ومش نايم كويس

بيتهيالى عيب اوى اوى لما صحبك ويتهرب

من انه ياخد رايك او يفضفض معاك لو مضايق

بس تعتقد العيب دا فيك انت ولا فيه هو ؟؟؟

.

.

اقل كلمه المفروض تكون منك ربنا معاك وييسرك الحال

دا لو مستعجل ولا حاجة يعنى ومش عندك وقت خالص مالص

وتقولها وانت بجد متاثر بكلامه ومشاكله مش قادر بقى

تتاثر وهتقولهم وانت بتضحك يبقى تسكت احسن

وتمشى من وشه لانك بمنتهى البساطه

متعرفش يعنى ايه الم وتعب لما يصيب حد ويبقى مش قادر

يتحمل ووصلت لعنق الزجاجه عنده ومش اتحلت

.

.

.

.

.

هتقول ليا انتى بتجيبى الكلام دا منين

ببساطه المواقف دى بتحصل وفى اقل من دقيقه

تصور ممكن فى اقل من دقيقه تسعد حد

وممكن فى اقل من دقيقه تحبط حد برضوا

.

.

.

.

ومش بس كدا

وياريت لو تتعب نفسك كمان شويه

ازاى بقى؟

يعنى مش كلمتين وعدى لا

المفروض فى اقرب فرصه تجمع ما بينك وبين

الشخص دا تساله ها انت عامل ايه دلوقتى

مش وكانك ولا همك حاجة عنه

وتقعد بقى تعمل الحركتين بتوعك وخلاص

للاسف

فعلا للاسف بيبقى من جواه

هيموت كدا وتساله اخبارك ايه وعامل ايه دلوقتى

بس مش بيلاقى منك الفعل دا

يبقى مش تستنى منه بعد كدا انه يكون جنبك

لان مره ورا مره

هيزهق منك

واقل كلمه هيقولها عنك

دا مش بيهمه غير نفسه ومصلحته وبس

وأظن محدش يتمنى ان يتقال عليه كدا من اعز اصحابه

.

.

.

.

.

اممممممممممممممممممممممممممممممممممممممم

للاسف مش هقدر اقول اكتر من كدا برضوا

ولان الموضوع مش مهم عند كتير من الناس

سوف

يتم غلق

الردود

:)

بسم الله الرحمن الرحيم

امممممممممممممممممممممممممممممممممممممم

مش عارفه عايزه اكتب اى كلام وخلاص بقى

جوايا سؤال دايما اسأله لنفسى هو ليه كل حاجة بنتمنى تكون

موجوده فى دنيتنا نلاقيها فجاه اختفت لا

المشكله انه بتكون موجوده فعلا وقدامك

ولما تحتاجها اوى وتيجى تدور عليها هوووووووووب

والله ما عارفه دا بيبقى سحر دا ولا ايه بالظبط

وانا متاكده ان دا مش بيحصل معايا انا بس اكيد مع ناس كتير

طيب سؤال تانى ليه صحابك لما تكون بتحبهم اوى وعايزهم جنبك على طول

وتتمنى الرضا ليهم فعلا وبرضوا مفيش فايده لاحياة لمن بتنادى

هتقولوا ليا طنشى وكبرى

ماشى هكبر واطنش طيب وبعدين الحياه عمرها ما هيكون فيها اى حاجة حلوه وانت

عايش كدا مش شايف غير نفسك طول النهار رايح جاى مش شايف ولا سامع

غير صوت نفسك وصورتك وبس

طيب دا طبيعى يعنى ؟؟؟؟

.

.

.

.

طيب ليه يعنى اعز صحابك فجاه كدا يختفوا وتيجى

تدور ولا تسال عن الاسباب نو كومنت طيب ليه

والله ما عارفه وهموت واعرف واللى يجنن ايه بقى

انهم يختفوا فجاه طيب تعالى كدا دعبسى وشوفى ليه

تلاقى السبب

انها ارتبطت

يعنى ايه ارتبطت يعنى يا اما بتحب ومش فاضيه لحد

يا اتخطبت ودى بقى مش بتشوفها خالص

يا اما اتجوزت وتمشى تكلم نفسها فى الشارع

وياسلام بقى فى الاخر تطلع انت اللى مقصر

لا اله الا الله

طيب ما انا ياما قولت ياجماعه خدوا بالكم احنا كدا بنبعد عن بعض

اقل رد يتقالك يا ستى كل واحد حر بقى فى حياته والدنيا تلاهى يا اختى

ماشى يا سيدتى وهو انا قولت ليكى هقيدك جنبى

بس فين الصحوبيه بقى؟

طيب دى اقل حاجة لما تحصل مناسبه ظريفه انه او انها يتصل او تتصل يقولك مثلا

والله انا خطبت وعقبالك او انا اتخطبت وعقبالك

دا الواحد يفرح

لا دا زى ما يكون بيخافوا من الحسد علشان نسبه العنوسه ولا ايه مش فاهمه انا

وبصراحه بقالى كدا كام يوم بفكر فى حاجة كدا

بس لقتها هتبقى حاجة مريحه ليا

انى يوم ما افكر اصاحب حد او اعرف حد معرفه جامده

هختاره يكون زيى فى كل حاجة

يكون ملوش حد كدا وقاعد طول النهار يعد بقى النجوم ولا يشوف

العصافير اللى بتزأزأ دى هتبطل امتى

حتى لو صديقتى او خطيبى فى المستقبل ان شاء الله او

حد يدخل حياة اولفى لازم يكون زيى

لانى بصراحه مش حاسه انى متقبله الوضع كدا ابدا من اى حد

يعنى مش هقبل اصاحب واحده وتكون هى الوحيده اللى صدقتى

وهى تعرف مليون غيرى لانى مش عندى استعداد اعرف

مليون غيرها كفايه عليا اوى واحده واتنين بكتيره اوى

دول اللى اقدر اقول عليهم صحابى

يعنى

1=1

2=2

3=3

دى مش انانيه لا والله بس صعبه اوى لما تكون بتخاف على حد جدا

وبتعتبر يوم تجمعكم دا يوم عيد وهو ولا فى باله واقربها بقى

يعدى عليك العيد ميحاولش يقولك كل سنه وانت طيب

ولو سالت يبقى فى مليون عذر وحتى لو عندك انت ظروف منعاك

برضوا عادى يعنى مش فارقه معاهم ودايما يبقى فى ظروف ومشاكل

منعاهم يكلموك اشمعنا انت بالذات والله ما عارفه

بقت حاجة

بصراحه

لا تتطاق

انا طبعا مش هقول مواقف لانى مش ينفع اقول

بس والله انا مش بدعى على حد ولا شايفه نفسى

كل الناس بعيده عنى والكلام دا لا بس هما

شويه كلمتين لازم يتقالو مفيش غير البلوج

بتاعى حبيبى هو اللى هيستحملنى

.

.

.

.

.

.

.

.

هههههههههههههههههههههههههههههههه

انا عارفه

ان معظكم هيشد فى شعره لما يقرا الكلام دا

ومنعا للاحراج بقى

وبما ان الموضوع فى نظركم

وكالعاده نكد زى ما بيقول البعض

سوف

يتم غلق

الردود

ودمتم سالمين

ومن النكد مش قريبين