اسكت وامشى!!!
لالالالالالالالالالا
مش هخبى جرحى
وهصرخ بحزنى
محتاجه كلمه مالك تطفى جرحى وتداوى قلبى
ساعات بحس ان الدنيا وحشه وناسها اوحش
وساعات بقول يابت انتى اللى عايشاها بشكل اوحش
ساعات بسال نفسى ليه كل ما اتمنى حاجة تضيع
ساعات بجاوب على نفسى انى كنت بتمنى جرحى
حتى امانينا بتجرحنا حتى جرحنا بتخونا
حتى الظلم بقى تباهى ما بينا
.
.
دا مش كفايه تحس بجرح الناس جواك
دا مش كفايه تحس بجرح الناس جواك
كمان تحس بطعنتهم وهما بيخونك قدامك
ولو فكرت تعاتب ولو على سبيل الحب
يبقى ارتكبت ذنب لا يغفر من حياتك ابد الدهر.
.
.
.
لوكانت دمعتك مليه عينك
ومحتاج ايد تطبطب عليك
احضن نفسك
وامسح دمعك
وطمن قلبك بكلمتين
قوله ياقلبى
ليك يوم وهتلاقى قلب
يمحى حزنك ويخاف عليك
يهاديك بالحب ويبشرك بفرحه فى لياليك
ويمحى الدمعه اللى ملت عينك
ليك يوم يا قلبى
تلاقى قلب
يهاديك بالحب
ويمحى دمعه عينك.
.
...
خلص الكلام
...
***olivetree***
4 أكيد أحب أعرف رأيك:
اول مرة اجي اقرا عندك
بسي كأنك وقفتي وفتحتي وقريتي اللي جويا
في التوقيت ده بالذات
بسي تعبت من كتر ما بدي نفسي امل
وبيكسر...وبصدق حاجات وبتطلع وهم
تعرفي
مش انا اصلا معرفكيش
بسي نفسي اخدك في حضني اوي
انا محتاجاه
:)
//.
لوكانت دمعتك مليه عينك
ومحتاج ايد تطبطب عليك
احضن نفسك
وامسح دمعك
وطمن قلبك بكلمتين
قوله ياقلبى
ليك يوم وهتلاقى قلب
يمحى حزنك ويخاف عليك
//
جميل اوى اوى
بالذات لما عرفت انه كلامك
فكرتيني باغنية كفي نفسك :D
احجزيله الكلمات دى بقي
انا اللى هغنيها
بس بعد رمضان بقي :D
ونأسف على الرد الاول
حيث انه لا محل له من الاعراب
سو سورى ..
Boba
//اول مرة اجي اقرا عندك//
حضرتك تشرفى
//بسي كأنك وقفتي وفتحتي وقريتي اللي جويا
في التوقيت ده بالذات//
انا احب اكون موجوده دايما
in time not in it's too late
//بسي تعبت من كتر ما بدي نفسي امل
وبيكسر...وبصدق حاجات وبتطلع وهم//
عادى محدش بيتعلم بالساهل.
اهم حاجة متكونيش ظلمتى حد
//تعرفي
مش انا اصلا معرفكيش
بسي نفسي اخدك في حضني اوي
انا محتاجاه
:)//
اعتبرى الحضن وصل دليفرى .
حضرتمك نورتى البلوج وشكرا على ذوقك فى الرد
رمضان كريم
سلامى
a7mad sala7
//جميل اوى اوى
بالذات لما عرفت انه كلامك
فكرتيني باغنية كفي نفسك :D//
:)
شكرا يا احمد دا بس من ذوقك
اغنيه كفى نفسك امممممممم عرفاها طبعا اغنيه جامده بصراحه
// احجزيله الكلمات دى بقي
انا اللى هغنيها
بس بعد رمضان بقي :D//
خلاص هحجزها ليك بس تتلحن بس وغنيها بس مليش دعوه ولا اعرف الكلمات دى اصلا ماشى من اولها كدا ؟؟؟
//ونأسف على الرد الاول
حيث انه لا محل له من الاعراب
سو سورى ..//
ولايهمك يا استاذى بتحصل فى احسن العائلات
منور ورمضان كريم عليك والشمع ان شاء الله هيوصل للفوانيس بس اصله مستورد من الصين
سلامى
إرسال تعليق