DO

NOT

CRY

OVER

THE

SPILT

MILK

...

...

...

مالى سواك يا الله

...

...

...

ما لي سواك

مالى سواك يا الله أناديه فيجيبُ

مالى سواك يا الله ادعوه فيستجيبُ

إن كانت دنيتى من غير رضاء فلتزولُُ

وإن كان رضاك في دنيتى فلتكونُ

ربى لما ضاقت بيا الدنيا وجدتك قريبُ

فرفعت يدى إليك فوجدتك تجيبُ

فمن غيرك مسمع الدعاء مجيبه

إذا دعاك به عبدك الفقي

رربى رفعت يدى إليك وروجت منك الصبرُ

ففاضت عيناى بالدمع وأنتظرت منك الصفح

ُليتنى أستطيع ان امحو ذنوبى وأعود إليك كالطفل البرىءُ

ولكنى من غير رضاك وعفوك فلن اكون عبدك السعيدُ

فأنا عبدك الفقير إليك وإيمانى بك كبيرُ

لقد ضاقت بنا الدنيا ولن تفرجوا إلا بعفوك يا رحيمُ.

...

...

البوست دا قديم عندى بس حبيت انزله تانى مش عارفه ليه

يمكن لانى لما بقرا الكلام دا برتاح اوى من جوايا

انا بجد مضيقه وتعبانه اوى

مش عايزه اتكلم

بس محتاجه حاجة واحد بس

محتاجه دعواتكم وبس

سلامى

وانا اسفه انى بضايقكم دايما

:(

أنا لو حبيبك .. مكنتش يوم تسيبنى

إزاى بتقول نصيبك وهان عليك تيبعنى

بتقولى الحنين .. طب فين الحنين؟؟!!

:?:بعد غيابك سنين .. بعد ماقلبك ظالمنى

تجرح قلبى أنا .. تأسى عليا أنـــا

قرب ليا شوف فعنيي هتعرف مين أنـــا

أنا لو حبيبك .. مكنتش يوم تسيبنى

إزاى بتقول نصيبك وهان عليك تيبعنى

بتقولى الحنين .. طب فين الحنين؟؟

بعد غيابك سنين .. بعد ماقلبك ظالمنى

شوف من كام سنه .. ضعت أنتا وأنــا

والى هيفضل بس مابينا ذكرى لجرحنا

أنا لو حبيبك .. مكنتش يوم تسيبنى

إزاى بتقول نصيبك وهان عليك تيبعنى

بتقولى الحنين .. طب فين الحنين ؟؟

بعد غيابك سنين .. بعد ماقلبك ظالمنى

محمد فؤاد

من اكتر الاغانى اللى بحبها لمحمد فؤاد وخاصا تصورها

رابط الاغنيه

http://www.fileden.com/files/2009/3/28/2382631/ana%20law%207abybk

سلام

كنت النهارده فى الزقازيق علشان اشوف موضوع التدريب الصيفى لان محدش نفعنى ولا قالى اعمل ايه

المهم نزلت امبارح والنهارده

وبالصدفه وانا فى التاكسى صحبتى بتقولى انا نفسى ادخل سينما قولت ليها وانا كمان ويكون احمد حلمى

قالتلى موجود فى السينما وكنا قدام السينما قالت ندخله قولتها اوك ندخله

روحت المشوار بتاعنا ورجعنا على السينما حجزنا ودخلت احلى حاجة بقى ان السينما كانت فاضيه خالص تقريبا
ومفيش ناس كتير مش يتعدوا 20 مثلا فى الصاله كلها

دخلنا واشتغل الفيلم

فيلم حلو اوى اوى

مش هحرقه ليكم بس احمد حلمى فى اخر الفيلم قال جمله حلوه اوى

من الافضل ان تكون غائب حاضر , وليس حاضر غائب

فعلا الاهم ان تكون موجود رغم انك مش موجود بمعنى فى مواقف كتير بتحصل وناس كتير اوى قريبه منك وللاسف مفيش احساس بيهم اوعلاقه بيهم كلنا بنقع فى الغلط دا وبنحس اننا ايه عملين اللى علينا وزياده رغم اننا غلطانين اكتر منهم

بس مش لازم تكون جنبهم على طول مثل مش فى كل الاوقات بس تكون معاهم بقلبك وباحساسك بيهم وبدعائك ليهم برضوا كفايه دا كفايه انك تتطمن عليهم حتى ولو قليل حسسهم بدا ولو هما مقدروش دا يبقى العيب مش فيك انت خالص بس انت هتكون رضيت ضميرك وحسيت انك صح وهما اللى غلط

دى وجه نظرى بس الفيلم حلو اوى اوى بس نهايته ضيقتنى بس الفيلم كويس انا يمكن كنت عارفه قصه الفيلم قبل ما ادخله بس الفيلم بجد حلو وتمتعت انى شوفته بس للامانه مش زى برضوا اسف على الازعاج لان دا احسن فيلم لاحمد حلمى انا شوفته ومش متخيلاه فى اى فيلم تانى بالجمال دا

يلا طولت انا وتكلمت كتير

فعلا ما اجمل ان تكون غائب حاضر وليس حاضر غائب

سلام

mmmmmmmmmmmm

lma nzlt almawdo4 en alblog block w 2olt asebh kda ashof hb2a 3'lya 3la men w men hytnsh

w lma rg3t w ktbt back tany knt fr7ana eny l2et rdod ts3dny w merci l2y 7ad rad

خلينا فى المهم الموضوع اللى فات نزل صوره بس محدش سال الصوره دى فين وازاى بس يلا خليها عليا انا واقول ليكم

الصوره دى البحر الاحمر منين بالضبط من طور سينا عاصمه محافظه جنوب سيناء ولانى واحده بتموت فى صور البحر والجبال واى حاجة فيها طبيعه فكان كل همى اصور الصور دى

ودى كمان شويه صور كمان

الصوره دى كانت قبل الغروب بوقت بسيط

ودى صوره للميناء هناك بس من بعيد شويه لانى كنت بصور كل الصور من على الشط


فى الصوره دى البحر كان ورايا ودى صوره للجبال القريبه من الشط اللى كنت فيه

دى صوره لميه البحر وبس لانى لون البحر بجد بيسحرنى هناك

ممممممممممممممم

ندخل بقى للمكان التانى يمكن من احسن الاماكن اللى بحبها هناك اوى

حمام موسى وجبل موسى من اعظم الاماكن هناك

دى صوره اخدتها وانا فى العربيه :)

ودى كمان لان منظر الجبال يجنن

دا بقى جبل موسى اخدتها فى العربيه قبل ما نوصل

جبل موسى اكيد كلنا عارفين الجبل دا الجبل اللى سيدنا موسى كلم الله عليه

ودى بعض الصور لجبل موسى :

الصوره دى بقى من منتصف الجبل بالظبط بس البحر كان بعيد فمش كان باين اوى :

الصوره دى من منتصف الجبل ودى صوره لحمام موسى من بعيد

ودا بقيه الجبل برضوا اخدتها من نصه كدا لان الطلوع بعد كدا خطر بس فى ناس طلعته وباين فى الصوره

بس دى معظم الصور اللى صورتها هناك يارب تكون عجبتكم لانى انا استمتعت هناك بالمناظر دى والجمال دا

عقبالكم ومش تنسونى بالصور برضوا

NOT BLOCK
COME BACK
WA7SHNY ALBLOG KTER

B3D ALFASL LEKM MAWDO3 7ELW AWY
YARB Y3GBKM

BLOCK

BLOCK

BLOCK

بصراحه محتاجه اتكلم اوى ومفيش غير البلوج بتاعى هو اللى هيستحملنى اكيد

جوايا حاجات كتير مضيقانى ومش مضيقانى مضيقانى لانها مزعلانى من كل الناس والاقرب الناس ليا فى دنيتى ومش مزعلانى علشان مش جديده تحصل منهم فى حقى بس ساعات مش بقدر استحمل وببقى لازم اتكلم وبصراحه انا مش عايزه اتكلم مع حد انا عايزه اتكلم مع نفسى ...

بصراحه فى كام موقف كدا مضيقنى وتقريبا المواقف دا من صحابى اللى المفروض يكونوا صحابى بس ميوصلش الحال لكدا بجد حاجة تزعل انا عمرى ما قصرت فى حقهم وعمرى ما خبيت حاجة عنهم فى اللى عندى ولا فضلت نفسى عليهم فى حاجة بس للاسف كل الناس بقت تتعامل بمنطق هتدى كام علشان اعرف هديك انا كام هتفتكرنى كام مره علشان اعرف هفتكرك انا كام مره

مش عارفه اقول ايه والله مش عايزه اشتكى بس محتاجه انى بجد انسى المواقف دى واحاول اعيش من غير ما افكرفيها بس للاسف هفضل فكره كدا بس مش هغير من نفسى هفضل زى ما انا اللى هيحتاجنى هيلاقينى اول حد جنبه مهما حصل ومهما كان بس مفيش حد بيحب يحس ان الناس بيعاه ولا بتفكر فيه ولا فكرراه خالص كدا

ياريت الموضوع يجى على قد صحاب الجامعه وبس لا دا صحابى من 8 سنين بيعملوا نفس المواقف وبيقدروا يطنشوا كويس اوى اوى وكمان ينسوا ياااااااااااااااااااااااه الدنيا دى بقت وحشه اوى اوى بجد زمان كنت بزعل من نفسى واقول انا غلطانه انى قافله على نفسى ومش بعرف ناس كتير اكتشفت انى كنت فى نعمه حتى لو كنت تعبانه بس برضوا كانت نعمه وسبتها يارتنى ما فكرت فى لفظ الصداقه دا ابدا ولا اتمنيته ولا عشته مع حد هقولها بجد وبصوت عالى لنفسى كل واحد بيفكر فى نفسه وبس وبس ومحدش شايف حد ولا حاسس بحد
دا الموضوع ممكن يكون لدرجه انك بقيت تشحت السؤال من اقرب الناس ليك فى حياتك اه الدنيا بقت وحشه بس مش للدرجه يعنى
هقول ايه بس الحمد لله
وزى كل مره هسكت ومش هقول حاجة هضحك اهو :D واقول الحمد لله وربنا يعدى كل حاجة على خير باذنه ان شاء الله

مفيش غيرك هيستحملنى يا بلوجى

وحشنى البلوج اوى

بقالى فتره مش عارفه اكتب حاجة خالص حتى خايفه امسك ورقه وقلم
فكرى مشتت اوى اوى لدرجه انى بقيت اخاف اكب حاجة او اقول حاجة

مخبيش على نفسى انى تعبانه من جوايا اوى اوى ومش مركزه فى اى حاجة
تايه ومش مبسوطه حاجات كتير مضيقانى بس للاسف مش عايزه اتكلم فيها مع حد

ساعات كتير ببقى نفسى اتكلم اوى واقول كلام كتير بس بحس ان الكلام بيهرب ولما ببقى خلاص هقول واتكلم فجاه الاقينى بقول لنفسى اسكتى وبسكت وبحس ان الكلام كله ضاع من بالى بصراحه بقيت اخاف اتكلم او اقول حاجة لانى حاسه لو اتكلمت هجرح ناس كتير حتى لو كانوا هما جرحنى بس لازم اسكت علشان مش عايز اندم تانى ولا اتعب تانى ...


انا عارفه ان الانسان مش بياخد كل حاجة فى دنيته بس فى حاجات غصب عننا بنشتاق ليها الصحبه الحلوه
والكلام الحلو والاخوات اللى يبقوا فعلا اخوتنا مش معرفه على ما تفرج او تضييع وقت لحد ما تيجى فرصه احسن
والله ما عارفه اقول ايه فعلا الكلام تايه وضايع منى

يلا الحمد لله
الحمد لله

هحاول اكتب حاجة وادونها لانى وحشنى انى اكتب وادون حاجات
على الله كلها

سكت الكلام