الثلاثاء، 22 سبتمبر 2009

لما الدهشه إذن ؟؟

إنى أحبك
نعم
إنى أحبك
فلما أجد الاستغراب على وجهك؟؟
ألم يكن قلبى هو قلبك؟؟
ألم تتبدل حياتى بحياتك؟؟

نعم
إنى أحبك
فلما الاستغراب على وجهك؟؟
فلقد ملكت قلبى بجمال روحك
وملكت إحساسى بحنان صوتك

نعم
إنى أحبك
ألم يصبح قلبى مكان قلبك؟؟
ألم تصبح حياتى هى لك؟؟
ألم أكن أنا سرك؟؟
ألم أكن أنا مصدر صبرك؟؟
ألم اكن أنا عقلك؟؟

فلما الاستغراب إذن
فلقد أصبحت أنا منك
فلقد أصبح قلبى هو لك
ولسانى لا يذكر إلا انت

فعذرا
فلقد خاننى قلبى وأحبك
وخاننى لسانى وأعترف لك
وخانتنى أحاسيسى متجه إليك

فإذا كنت تأمن بحبى إليك
فكن كما انت
كن كما انت
لأننى

صادقةْ فى حبى إليك
لأن

قلبى أحبك كما أنت
.....................................
13/9/2009

23 أكيد أحب أعرف رأيك:

The illusionist يقول...

حلوه قوى قوى قوى قوى
بجد
اول موضوع اعلق عليه
وروعه بجد
بحييكى عليها
عجبانى جدا
وكل سنه وانتى طيبه

VÖltaa يقول...

جميلة جداا بجد

بتوصفى حاجات جميلة فعلا

جميل فعلا

تسلم ايدك
وكل سنة وانتى طيبة
واسمحيلى اضيف مدونتك عندى ؟

صاحب رأى يقول...

بصراحه مفيش ليها وصف
غير
(تصفيق حاد حتى كلت الايادى)

بس عندى استفسار

لو البنت فعلا حبت واحد
وهى حاولت تعرفه انها بتحبه

ايه توقعات البنت لرد فعله؟

OlivE يقول...

THE illusionist

//حلوه قوى قوى قوى قوى//

الله يخليك دا بس من ذوقك

//بحييكى عليها//
شكرا


//وكل سنه وانتى طيبه//
وانت بالصحه والسلامه
:)

يارب فعلا تكون عجبتك

OlivE يقول...

Mo7ammed

//بتوصفى حاجات جميلة فعلا //

شكرا
ربنا يخليك


//وكل سنة وانتى طيبة //
وحضرتك طيب وبالصحه والسلامه

//واسمحيلى اضيف مدونتك عندى //
اه اتفضل
مفيش اى مشاكل


حضرتك نورت فى اول رد ليك

OlivE يقول...

Heshmat

بصراحه مفيش ليها وصف//
غير
//(تصفيق حاد حتى كلت الايادى)
ميرسى
ويارب فعلا تكون عجبتك



بس عندى استفسار//

لو البنت فعلا حبت واحد
وهى حاولت تعرفه انها بتحبه

//ايه توقعات البنت لرد فعله؟

انا مش عارفه بس بصراحه صعبه اوى
ان بنت هى اللى تبدا بالكلام دا خجلها بيمنعها بتخاف من الرفض طبعا

هى ممكن تبدا هى فى حاله واحد بس لو حست ان حياتها وفقت على الشخص دا والتفكير فيه وعلشان توصل لحل مع نفسها ومعها هو كمان لازم توصل لقرار منه هل هو فعلا بيحبها ولا لا

بس انا من راي مهما كانت بتحبه متحاولش تعمل كدا ابدا بجد

توقعاتها بقى هو ممكن يكون اللى شجعها لكدا انها حست منه بحاجة من هذا القبيل يعنى 50 %حاسه بالموافقه منه
اما لما كانت منها هى فالله اعلك هيكون صريح وبيلغها بالقرار بتاعه بشكل مباشر ولا ممكن يتلاعب بيها


امممممم
دى وجه نظرى


سلامى

صاحب رأى يقول...

معلشى استحملينى

طب لو هى لمحت له
وهو مش عارف اذا كان بيحبها ولا لا
بس هو معجب بيها

ومن الاخر عمل عبيط

يعمل حاجه ولا يطنش؟ وضعى فى اعتبارك انهم اصدقاء وكدا

OlivE يقول...

Heshmat

//معلشى استحملينى//

لا حضرتك مفيش اى مشاكل دا شرف ليا


//طب لو هى لمحت له
وهو مش عارف اذا كان بيحبها ولا لا
//بس هو معجب بيها
بص بدام للمحت ليه وهما اصدقاء يبقى هى بتحبه وخافت على نفسها من جواها وحبيت تعرف مشاعره ايه ناحيتها
علشان مفيش واحده هتقدر انها تحب حد وتمثل دور الصديقه عليه هتبقى تعبانه اوى من جواها لانها ما بين نارين فى الوقت دا



معجب بيها
بص فى فرق تام مابين الاعجاب العادى دا والحب
الاعجاب ممكن يتلاشى فى جزء من الثانيه اما الحب دا حاجة تانيه تماما مهما حصل من مواقف ما بينهم عمره ما بينتهى فى يوم وليله


بس هو لو حاسس انه مش قادر يستغنى عنها وانه اعجابه بيها دا اعجاب تام بيها وممكن يكون حب بس هو مش عارف يفكر كدا مع نفسه فى قاعده صفا مع نفسه وبس ياخد قرار



//ومن الاخر عمل عبيط//
مينفعش نهائى يعمل عبيط او يطنش لانه هيخسرها فى الحالتين فى حاله انها صديقته وفى حاله لو كان فى حب
المواضيع دى مينفعش فيها كدا لانه كدا بيلغى مشاعرها اللى بينتها ليه


//يعمل حاجه ولا يطنش؟ وضعى فى اعتبارك انهم اصدقاء وكدا//

انا رايى انه يبقى فى كلام بشكل مباشر ويبقى قريب جدا لو كان متاكد من تلمحياتها دى ليه وانه مستعد يتكلم معاها فى الموضوع دا

ويختار الوقت المناسب لفتح الموضوع دا

بس قبل كل شىء يقعد مع نفسه ويفكر كويس اوى
علشان ميجرحهاش وميظلمش مشاعره هو


دى وجه نظرى

معلش رغيت كتير

صاحب رأى يقول...

متشكر جدا على وقتك
بس بجد الموضوع دا اتسألت فيه عن رأيى

وطبعا رأيى الولد دايما بيختلف عن البنت

عشان كدا سألتك

واسف لو كنت انا اللى رغيت كتير ودوشتك

OlivE يقول...

Heshmat

//متشكر جدا على وقتك//
لا حضرتك مفيش اى مشاكل والله
دا شرف ليا


//سف لو كنت انا اللى
رغيت كتيردوشتك
//

لا والله ابدا يافندم

انا تحت امر حضرتك فى اى مناقشه



وعلى فكره مباح للبنت انها تعرض نفسها على شخص للجواز
بس
فى حاله واحده فقط
ان الشخص دا يكون معروف عنه التقى والتدين وانه يكون انسان صالح فى دينه ودنيته

دا اللى انا اعرفه
وطبعا خوف على نفسها من فتنه حب ممكن تقع فيها

سلامى

!! a7mad sala7 !! يقول...

تحفة























































تحفة

7oR@$ يقول...

إيه الكلام الجامد دة مكنتش أعرف إنك رومانسية هههههههههههههههه

ربنا يوفقك في حياتك وتوفقي في اختيارك للشخص المناسب إلي يستاهل حبك


أنا جيت متاخر عارف بس قولت أستني لما كله يرد وأشوف الردود وبعدين أجي أشرفك طبعا هههههههههههههههه وأشوف من ردودك مودك عامل إزاي وأعتقد إنك كويسة الحمد لله

يلا سلامي ليكي

أحمد عنتر
حورس

OlivE يقول...

!! a7mad sala7 !!

//تحفة//

MERCI

RBNA Y5LEK YARB

ensha2 allah tkon 3gbtk
:)

OlivE يقول...

7oR@$

//إيه الكلام الجامد دة مكنتش أعرف إنك رومانسية//
:)


//ربنا يوفقك في حياتك وتوفقي في اختيارك للشخص المناسب إلي يستاهل حبك//

:)
ربنا يخليك يارب
متشكره اوى

وحضرتك تشرف فى اى وقت مهما كان مودى يعنى :)


سلامى وحضرتك منور بردك

7oR@$ يقول...

إيه حضرتك دي الكلمة دي بتعصبني ههههههههههههه يا بنتي احنا اخوات وزمايل وفي سن واحد وبقي فيه بنا عشرة بلجات هههههههههههه

ربنا معاكي

سلامي ليكي

حورس

OlivE يقول...

7oR@$

//يا بنتي احنا اخوات وزمايل وفي سن واحد وبقي فيه بنا عشرة بلجات//

اكيد طبعا
:)


//ربنا معاكي//
ومعاك انت كمان ومع كل الناس يارب

:)

OlivE يقول...

لما كتبت الكلام

الفكره جتلى من ان ازاى لما بنت توصل لمرحله تفكير جامده جدا فى شخص معين
طيب هتبطل ازاى تفكر فيه وهى حاسه انها بتحبه اوى
وازاى تعترف ليه بحاجة زى دى
وازاى توصل لقرار فى الموضوع

يمكن الفكره جتلى من كدا

هل فعلا ممكن يوصل الوضع لواحده للوضع دا؟؟

ويمكن الفكره التانيه انها ازاى واحده لما تحب واحد وفجاه يبدا يتغير قدامها ازاى تحافظ عليه زى ما حبته وميتغيرش
ازاى تقوله انا حبيتك كدا وعيزاك تفضل كدا انا راضيه بيك كدا


يمكن دول الفكرتين اللى فكرت فيهم وكتبت الكلمتين دول

:)

7oR@$ يقول...

أها تفكيرك جميل وصح طبعا وأنا حصل معايا إن واحدة قالتلي إنها بتحبني مع إنها عارفة إني بحب بجد وقتها مش كنتش عارف أقولها إيه وهي عارفة إني أكيد حجرحها وخصوصا إني بحب حاولت مجرحهاش وبدأت أبعد في حاجات كتير بتحصل في الحب بالذات في إلي عنده الجرأة وبيقول وفيه إلي بيسكت سواء ولد أو بنت ولو بنت بتحب ولد بيبان عليها من معاملتها ليه إنها بتحبه

يلا بلاش أطول علشان أنا بفتح هههههههههه

سلامي ليكي

OlivE يقول...

7oR@$

فعلا موقف صعب فيه الكلام
بس لازم فيه الكلام
مينفعش تسيبه كدا مفتوح لازم تبقى لا حتى لو كانت هتوجع بس مفيش غيرها



بس انا شيفه انها صعبه اوى ان بنت هى اللى تقولها وتبدا بيها مش عارفه ليه
بس لو حصلت بتبقى وصلت خلاص لعنق الزجاجه عندها وان فيها الجراه لحاجة زى دى وانها تقدر تستحمل اى قرار مهما كان


:)

morgana يقول...

كل سنه وانتي طيبه
حلو اوي الاسم الجديد عاشقة القمر
تحياتي ليكي:)

halaS demahoM يقول...

علي فكره
فاقد الشئ هو خير من يعطيه
بس ليه؟؟؟
فكري ويا نفسك

OlivE يقول...

morgana

//كل سنه وانتي طيبه//
وانتى طيبه وبالصحه والسلامه

بس جايه متاخره ليه بقى
يعنى شكلك ماخديش بالك من الموضوع اللى فات وموضوع العديه دا ولا بتهربى يعنى يلا مفيش مشاكل نعتبرها جت فى البوست اللى فات



//حلو اوي الاسم الجديد عاشقة القمر//
الله يخليك
انا فعلا بعشق القمر جدا بحب دايما اشوفه قدامى :)
يلا التغيير مطلوب برضوا


بس بالنسبه للبوست مفيش تعليق عليه

برضوا هعمل نفسى مش واخده بالى

تحياتى ليكى

OlivE يقول...

Catch Me If You Can

علي فكره//
فاقد الشئ هو خير من يعطيه
بس ليه؟؟؟
//فكري ويا نفسك

دا فعلا بوست فى بالى وناويه اكمله ان شاء الله بس شويه كدا بس :(

انا مقتنعه بكلامك دا 70% بس مش فى كل حاجة ينفع نقول كدا


سلامى

 
شخابيـــــــــــــــــــط زيتونة © 2008. Template Design By: SkinCorner