فاقد الشىء لا يعيطه
مقوله يمكن كلنا سمعنا عنها
طيب ناخد كدا كام مثال عليها
مقوله يمكن كلنا سمعنا عنها
طيب ناخد كدا كام مثال عليها
انا مثلا لو واحده صحبتى واحنا قاعدين فى الجامعه مثلا وبتقولى عايزه قلم
احمر فقولت ليها مش معايا قلم احمر يبقى انا مكنش معايا طلبها
وعلشان كدا مقدرتش اديها اللى هى عيزاه
................
مثلا واحد صحبك جه فى يوم وطلب منك دلوقتى حالا
وضرورى 50 جنيه مثلا علشان محتاجها وانت رديت
عليه اننا اخر الشهر وانك على الاخر ومنفض
لو كان معاك الخمسين جنيه مكنتش هتبخل عليه بيها
لو كان معاك الخمسين جنيه مكنتش هتبخل عليه بيها
وعلشان انت مش بتملكها يبقى مش قادر تعطيها ليه
................
طيب لو قاعد مع صحابك فى مكان وحد طلب منك موبيل يعمل
مكالمه هتقوله لا هتديله الموبيل ويعمل المكالمه عادى مقدرتش تقول
لا لان انت معاك موبيلك وقادر تعطيه ليه ومش بتبخل بدقيقه يعنى
كل الكلام دا اقدر انفذ عليه المقوله دى ان فعلا فاقد الشىء مش قادر
كل الكلام دا اقدر انفذ عليه المقوله دى ان فعلا فاقد الشىء مش قادر
ان يعيطه لانه ببساطه لا يملكه طيب لو يملكه ومش عايز يضحى
بيه او يقدمه لحد دا حكايه تانيه بقى
.......................
تعالو بقى للجانب التانى وهو الجانب المعنوى انا كل كلامى
اللى فات دا كان عن الجانب المادى
.............
لو حد صحبك اوى جه يوم وقالك انا تعبان اوى نفسى انك
تسمعنى علشان مش قادر افكر هتقوله لا استنى لما يبقى معايا فلوس او لما
اشترى حاجة لا طبعا فى الوقت دا هتفضى نفسك من اى شىء
وتقعد تسمع ليه وبمنتهى الاهتمام والمفروض ان اى حد يعمل كدا
وانت لو مش بتعمل كدا يبقى انت مش بتقدر مشاكل الناس
ولا بتحس بيهم سورى يعنى
.......
طيب لو واحده صحبتك اتصلت بيكى وقالت ليكى انا فى مصيبه
بجد ومش عارفه اعمل ايه مش هتفضى نفسك وتتكلمى معاها مش هتقومى
تستاذنى من مامتك ساعه تروحى تتطمنى عليها لو قريبه منك وترجعى تانى
طيب ما انت ممكن تعمل كدا مع صحبك وانت فى عز الاحتياج
للى يكون جنبك وتسمع منه كلمه مالك
وانتى ممكن تكونى بتعملى كدا مع صحبتك وانتى لسه ناهيه مشكله
فى بيتكم كانت ما بينك وبين اخوكى او اختك ومن الاخر مش طايقه حالك كله
ليه الحاجات دى منقدرش نقول فيها سورى
لان فاقد الشىء فى الجانب دا هو اكتر حد حاسس بتعب اللى قدامه والمه من جواه
وعلشان كدا هو اكتر حد يقدر يخرجه من التعب اللى هو فيه
لان فاقد الشىء فى الجانب دا هو اكتر حد حاسس بتعب اللى قدامه والمه من جواه
وعلشان كدا هو اكتر حد يقدر يخرجه من التعب اللى هو فيه
........................
امممممممممممممممممممممممممممم
انا خلصت اللى فى دماغى وحاضر دلوقتى من الكلام
وكان كل قصدى ان الكلمه دى ممكن نقولها مع اى شىء مادى
مش اى شىء متعلق بالاحساس والمشاعر
................
يعنى لو حد قالك انت فاقد الحب علشان كدا مش قادر تحس بيه قوله
انت اللى مش مقدر قمه الحب علشان كدا مش بتحس بجماله ولا حيائه
هو فى حياء فى الحب
اه فى ودا موضوع تانى بقى
:)
سلامى
12 أكيد أحب أعرف رأيك:
بصراحه مش عارف ارد
اقحمتيني بكلامك
نو كومنت
فاقد الشيء يدور عليه:D
كلامك تمام
نايس بوست:)
كلامك جميل جدا
بس على فكره عمرى ما شفت حد بيقول المثل دا على شىء معنوى
وابقى عرفينا الحياء فى الحب من وجهه نظرك ايه
تحياتى
Catch Me If You Can
//بصراحه مش عارف ارد
اقحمتيني بكلامك//
:)
//نو كومنت//
ok
:)
morgana
//فاقد الشيء يدور عليه:D//
مش كل حاجة تقدرى تدورى عليها
فى حاجات لازم تبجى ليكى لحد عندك
وانتى فى مكانك
لان ببساطه لو دورتى عليها مش هتلاقيها
:)
كلامك تمام//
نايس بوست:)
//
ثانكس يا جميل
وحمد لله على سلامتك
وانك رجعتى تنورينا بردودك تانى
:)
صاحب رأى
//كلامك جميل جدا//
شكرا دا بس من ذوقك
ويارب يكون عجبك
بس على فكره عمرى ما شفت حد بيقول//
المثل دا على شىء معنوى
//
لا انا سمعتها بقى بتتقال على الشىء المعنوى
بمعنى لو انك مفتقد مثلا الحب فى حياتك يبقى عمرك ما هتعرف انت تحب
وطبعا دا غلط مليون الميه
//وابقى عرفينا الحياء فى الحب من وجهه
نظرك ايه//
اكيد قريب ان شاء الله
سلامى
نكومنت تاني
وهو احنا ورانا حاجه
بيقولوا فاقد الشئ لا يعطيه
نروح نحلل كلمة فاقد هنلاقيها اسم فاعل من الفعل فقد
يعني واحد كان معاه حاجه وفقدها
ومن الملاحظ من امثلة سيادتك
ان الشخص المذكور لا يمتلك الاشياء لذلك فهو غير قادر علي العطاء
ولا يمتلك تحتمل انه ربما لا يعرف اي شئ عن الحاجه دي
واحد بيقول للتاني عاوز قلم
والتاني مش معاه قلم وقد لا يعي معني الكلمه
اذا
فمالك الشئ قد يعطيه والعكس
اما فاقد الشئ بقي
فده كان معاه وعارفه كويس بس فقده
لذلك فقد تكون لديه القدره للاعطاء
رغم انه فاقد ولا يمتلك
يعني مثلا واحد طالب مني قلم وانا مش معايا فلو عارف يعني ايه قلم اكيد هديله قلم رغم انه مش معايا
ومحدش يسأل ازاي؟
انما لو انا معرفش يعني ايه قلم
هقوله وات قلم؟
ده بالنسبه للمعني القريب
اذا فاقد الشئ لا يعطيه قد تطبق علي الماديات شرط وجود معرفه
انما المعني البعيد
وهو المعني المعنوي
ففاقد الشئ لا يعطيه
غير صحيحه
وده اللي حضرتك اتكلمتي عنه
ومش هنتكلم فيه
انما بقي
فاقد الشئ بيدور عليه
صحيح
بس اعتقد انه لا يلتمس الموضوع بشئ
ده موضوع
وده موضوع تاني
تقبلي مروري
س ل ا م ي
Catch Me If You Can
//نكومنت تاني//
زى ما تحب اكيد
البلوج مفتوح 24 ساعه حتى الجمعه شغال
:)
حضرتك انا لما كن\تبت الموضوع دا وذكرت الكلمه دى وطبقتها على امثله طبقتها على امثله مينفعش فيها التاجيل يعنى لازم يكون فى رد مباشر بمعنى ممكن تكون فى اى موقف من المواقف دى وتبقى فعلا مش معاك الحاجة دى ومش بتملكها ( مفيش فرق ما بينها وبين فاقدها لانها بتعنى نفسى المعنى ان انا لا املكها حاليا يبقى مفتقداها حاليا واكيد لازم اكون مستوعبه الشىء دا والا مش هقولها)
//يعني مثلا واحد طالب مني قلم وانا مش معايا فلو عارف يعني ايه قلم اكيد هديله قلم رغم انه مش معايا
ومحدش يسأل ازاي؟//
لا هو لازم اسال ازاى بدام مش معاك هتجيب الحاجة دى له ازاى دا موقف ورد الفعل فيه لازم يكون فى وقتها مش ثوانى هفكر ولا ثوانى وجيالك
i don't think so
باقى كلام حضرتك
اوك انا موافقه حضرتك فيه
:)
احيكى على الموضوع
بس انا راى يختلف شويه عن راي حضرتك
موضوع ان فاقد الشى لا يعطيه معناه ايه فى راى ان:
لو الانسان فاقد حاجه بالذات لو كانت معنويه الموضوع اكثر معنوى مش مادى لان لو حد طلب منك حاجه وانتى مش عطتيه بالرغم انك معاكى فتكونى انتى انسانه بخيله او مش بتحبى الناس ومش بتحبى تخدمى اى انسان ده بالنسبه
للمادى وده بتوقف على طباع وتربية الانسان
اما الجانب المعنوى:
هو اللى بيظهر فيه المعنى ده اكثر
نتفق الاول ان الطباع البشريه لا احد يقدر يغيرها وقليل جدا ان يقدر الانسان يغير فى نفسه ومن طباعه اذا كانت سيئه الا اذا كان عنده اراده قويه جدا فمثلا انسان اصلا متربى على عدم العطاء ومش قصدى الجانب المادى ولكن المعنوى مش متعود انه يعطى الناس الحب وحتى ولو بكلمه صغيره جدا اى مش متعود يعبر عن حبه لاخرين واهم حاجه فى الحب انك تعبر عنه لان الاعتراف الانسان لانسان اخر باحساسه تجاه هو اصعب شى مش اى حد يقدر يعمل كده الا اللى متربى ومتعود ومتعلم كده
ممكن يكون الموضوع وضح كده شويه
هقولك مثال عشان يوضحلك:
اب مش بيقدر يعبر عن حبه لابنائه بالرغم انك هتقولى ده المفروض غريزه فيه ومن السهل عليه اه يعمل كده بس انه مش بيقدر عشان هو مش متعود يقول الكلام الطيب ويعبرلهم عن شعوره ويمارس الابويه بطريقه سليمه ذلك راجع ممكن يكون والده كان كده او اتربى على كده عشان ما فيش انسان بيكون كده الا لما يكون فى يد انها تغيره لاسوء
ده تقريبا معنى الجمله فى راى ان فعلا فاقد الشى لا يعطيه عشان هو اصلا مش قادر الا لو كان عايز يكون احسن بس ذلك نادر قوى ان تلاقى انسان كده عايز ويعمل عشان يكون كده
بس كلام حضرتك كان كله مادى والمقوله ليس ترتبط بالمعنى المادى بل بالمعنوى
واحب اقول فى الاخر مواضيعك مفيده جدا وطريقة كتاباتك كويسه جدا
الى الامام.....
style
اولا انا بشكر حضرتك جدا على ردك
واسعدنى ردك كتير
يمكن حضرتك مش اخدتى بالك انى اتكلمت على الجانب المادى على حده والجانب المعنوى على حده برضوا وبينت الفرق جدا ما بينهم
انا مقتنعه معاكى ان الجمله دى بنحسها اكتر فى الجانب المعنوى
بس تتقال اكتر فى الجانب المادى بمعنى ان فى الجانب المادى بنقدر نقولها وبصوت عالى جدا
اما الجانب المعنوى مش بنقدر نقولها لحد لانها بتبقى بمثابه جرح ليه
دا من وجه نظرى
وفعلا انا معاكى فى اخر مثال حضرتك اتكلمتى فيه لانه فعلا دا اللى كنت اقصدع بكلامى ان الانسان لما يكون مفتقد شىء معين فى حياته مش بيقدر يديه لاى حد وخاصا الحب والعطاء وفى الجانب دا بالذات بيبان
كل انسان وتفكيره
وبرضوا عقده :)
اسعدنى رد حضرتك جدا
سلامى
نكومنت تالت احنا ورانا ايه
احنا بين الشوطين والحياه بيس
\\
طبقتها على امثله مينفعش فيها التاجيل
\\
بصي سيادتك
ذروة الحدث تستوجب تأجيل ما بعده
سواء كان الحدث ده مادي او معنوي
بس يعني ايه ذروة الحدث؟؟؟
\\
مفيش فرق
\\
لاء اللغه العربيه فيها حاجات كتير مختلفة المعني رغم تطابقها في اللفظ
والدليل انه في فرق بين افقدك وافتقدك
بس انا وللاسف مش خبير لغه عربيه
\\
لا هو لازم اسال ازاى
\\
ايش حال لو مكنتش محلفك بعيالك
ده هاني رمزي
انا لسه قايل
ذروة الحدث تؤجل ما بعده
Catch Me If You Can
//احنا بين الشوطين والحياه بيس//
طيب ربنا يستر
:)
//ذروة الحدث تستوجب تأجيل ما بعده//
بصراحه مش فاهمه يعنى ايه الجمله دى
//مش خبير لغه عربيه//
والله ولا انا
بس برضوا مش فاهمه كلامك
هو انا فهمت ذروه لما افهم دا
//ايش حال لو مكنتش محلفك بعيالك//
ما هو علشان عيالى اللى معرفهومش دول
كان لازم اسال
لانى مش فاهمه بصراحه :)
انا كل اللى مقتنعه بيه موقف بيحصل قدامى او معايا هل الجمله دى ينفع اطبقها فى الوقت دا والوقت دا بالذات مينفعش التاجيل فيه ولا لا
بمعنى تانى امتى الجمله دى نقدر نطبقها صح
ولا نلغيها خالص
:)
سلامى
إرسال تعليق